له وانەی نیگارکێشان، قەت سەرکەوتوو نەبووم لە دانانی تۆپەڵە خۆرەکە لەناوەڕاستی کاغەزەکە...
هەمیشە لە گۆشەیەکدا دامدەنا...لەوانەیە ئەوە هەمیشە تەفسیری ڕۆژئاوابوون بکات،
لە دڵمدا...
ئێمەی منداڵان چاوشارکێمان دەکرد،
هیچ ڕۆژێک سەرکەوتوو نەبووم،
لە خۆشاردنەوە.
هەتا ئێستا، هەرکاتێک بمەوێ دڵم لە پشتم بشارمەوە،
ڕووخسارم ئابڕووم دەبات...
دایكم دەیویست ببمە ڕاگەیاندکار،
لە سەرەتادا شکستم هێنا،
لە گەڕان بەدوای هەواڵی دراوسێکان..
پاشان شکستم هێنا لە کێشانی ئایلاینەر..
و بەدەستهێنانی گۆشەی باش بۆ وێنەگرتن،
وەک چۆن به توندییش
شکستم هێنا لە کۆکردنەوەی دەستم لەکاتی قسەکردن...
وام لێهات هەرکات نزیک ببوومایەوە لە تەلەڤزیۆن
بۆ داگیرساندنی،
ڕووخساری دایکمی تێدا دەردەکەوت.
باوکم باوەڕی بە شیعر نییە،
دەڵێت: کچێ شیعر یەک پارچە نانت ناداتێ.
باوکم نازانێت،
ئەوەندە بەسە کە خوێ لە فرمێسکی چاوم جیا بکەمەوە و قەسیدەیەک بڕژێت.
سیلیا عیساوی
و: خەڵات عەلی
ليست هناك تعليقات:
إرسال تعليق