-لە ڕووی جیۆگرافییەوە (هەولێر) وەک هەر شارێکی تر لە گۆڕاندایە و ناکرێت وەک زۆنێکی چەسپاو سەیری بکەین. تاکوو حەفتاکانیش (هەولێر) تەنیا قەڵات و دەوروبەری قەڵاتی دەگرتەوە. (هەولێری) تەنیا بۆ (تورکمان) بەکاردەهات. لە هەشتاکان ئەو تێگەیشتنە گۆڕانی بەسەردا هات. لە نەوەدەکانەوە گۆڕانی تر و لە دوای ڕووخانی ڕژێمی بەعسەوە زۆر گەورەتر بەسەر جیۆگرافیای ئەو شارەدا دێن. پرسیار ئەوەیە چۆن (حەمەئەمین) دەتوانێت لە ڕێگەی جیۆگرافیاوە (هەولێری) دەستنیشان بکات؟
-ئایا هەولێر هەمان پێکهاتە و سیمای سۆسیۆلۆجییانەی جارانی هەیە؟ نەوەیەک لە ڕاپەڕینەوە لەو شارە لە دایک بووە و ئێستا تەمەنی لە سەرووی هەژدەوەیە. کە دایک و باوکی لە ئەنجامی گۆڕانکارییە سیاسییەکانەوە لە شارەکانی ترەوە، بە تایبەتی لە (سلێمانی)ـیەوە بۆی هاتوون. کۆمەڵێک نووسەر و ڕۆشنبیر لە ماوەی ئەو بیست ساڵەدا ڕوویان لە (هەولێر) کردووە و تێیدا نیشتەجێ بوونە. زمانی قسەکردنی ڕۆژانەی (هەولێر) هەرگیز ئەوەی جاران نییە. پێوەندییە کۆمەڵایەتییەکان بە تەواوی گۆڕاون، کە ئەمە باسێکی سەربەخۆیە و مەبەستم نییە بچمە ناو وردەکارییەکانیەوە، بەڵام دەپرسم ئایا (هەولێر)ـی جارن، نەک هەر خۆی، بەڵکوو شوێنەواریشی ماوە؟
٭ئەو کتێبە وتارێکی ڕەخنەیی کاروان عومەر کاکەسوورە کە چەند ساڵ پێش ئێستا سەبارەت بە وتارێکی ئیسماعیل حەمەئەمین کە لەبارەی حەڤدەی شوبات و هەولێرەوە نوسیوویەتی. هاوڕێیانی ڕێگە لە کتێبێکدا چاپیان کردووەتەوە، لێرە جگە لەو پەرەگرافانەی کتێبەکە پێم خۆش بوو لینکی وتارەکەی ئیسماعیل حەمەئەمینیش لەگەڵ ئێوەدا هاوبەشی پێبکەم بۆ بەرچاو ڕوونی زیاتر لەسەر بابەتەکە:
ليست هناك تعليقات:
إرسال تعليق