-بۆ هەر چوار پارچە-
بەهار بوو
یەکەم جار بوو باوکم دایکمی دەبینی.
باوکم ماچی کردبوو. یەکتریان ماچ کردبوو.
بەهاری ساڵی دواتر کە من لەدایکبووم، هەواڵیان بە دایکم دا، لە کوێستانەکانی کوردستانی (عێڕاق) باوکمیان بە کوژراوی دۆزیوەتەوە.
دایکم پرسیبووی: ئەو بارەی هێنابووی لە کوێیە؟
بارە قاچاغەکەی هێشتا هەر لەسەر پشتی قاترەکانیەوە بوو،
هێنابوویان: چوار فەردە پڕ لە خاک.
دایکم گریابوو.
گوتبووی: کوڕەکەشم دەکوژن!
بەهاری ئەمساڵ کە دایکم مرد، بۆ یەکەمجار هاوسەری داهاتوومم بینی.
تێگەیشتین کە دەبین بە هیی یەکتر.
ماچیم کرد. یەکتریمان ماچ کرد.
بەهاری داهاتوو، من دەکوژن.
ليست هناك تعليقات:
إرسال تعليق